Sunday, September 02, 2007

യൂണിക്കോഡ് മലയാളവും പൈഡ്പൈപ്പറും - 2

അതായത് ഈ 'നന്മ'യും 'നന്‍മ'യും ഒരേ വാക്കിന്റെ വ്യത്യസ്ത സ്പെല്ലിങ്ങ് ആണെന്നു പറയുന്നുണ്ടല്ലോ?
അതേയതേ
ഇവ രണ്ടും തമ്മില്‍ സ്പെല്ലിങ്ങില്‍ മാത്രമാണ് വ്യത്യാസം. 'color' ഉം
'colour'ഉം പോലെ. അതായത് A color is a colour is a color is a colour.
ഓ! അത്രയ്ക്കു കളര്‍ വേണ്ട. പക്ഷെ,
ഞാന്‍ ധരിച്ചിരിക്കുന്നത് മലയാളം എഴുതുന്നതുപോലെ വായിക്കപ്പെടുന്നതിനാല്‍
('ഹ്മ', 'ഹ്ന' എന്നീ അപവാദങ്ങള്‍ ഒഴിവാക്കിയാല്‍) സ്പെല്ലിങ്ങ് എന്ന സംഗതി
അപ്രസക്തമാണെന്നാണ്. അക്ഷരമറിയുന്ന, ഉച്ചാരണശുദ്ധി പാലിക്കുന്ന ആര്‍ക്കും
മലയാളത്തിന്റെ സ്പെല്ലിങ്ങിനെ ചൊല്ലി വേവലാതിപ്പെടേണ്ട എന്നും.
കഷ്ടം! ഈ ഓണക്കാലത്തെങ്കിലും നിങ്ങള്‍ക്ക് നല്ലതുവല്ലതും ധരിച്ചുകൂടേ :) നിങ്ങള്‍ക്ക്
വിവരമില്ലെന്ന് എപ്പോഴും എന്നെക്കൊണ്ട് പറയിക്കല്ലേ. 'color'ഉം 'colour'ഉം
പോലെത്തന്നെയാണ് 'നന്മ'യും 'നന്‍മ'യും. ഇവയെ ഇപ്പോള്‍ വേര്‍തിരിക്കുന്നത്
ആ കുരിശ് വെച്ചാണ്; ZWJ. അതിനി നടപ്പില്ല.
ഹഹ. ആ കുരിശു പ്രയോഗം കലക്കി. അതാണല്ലേ അതിന്റെ മുകളറ്റത്ത് 'x' എന്നു കാണുന്നത്. പറഞ്ഞു
വരുന്നത് 'color' എന്ന വാക്ക് തിരഞ്ഞാല്‍ 'colour' വരില്ല; മറിച്ചും.
അതുപോലെ ആണവചില്ലിനുശേഷം 'നന്മ' തിരഞ്ഞാല്‍ 'നന്‍മ' വരില്ല; മറിച്ചും
അല്ലേ. അതായത് ഇതില്‍ ഒരെണ്ണം എപ്പോഴും തിന്മയായി നില്ക്കും എന്ന്.
അതു തന്നെ.
പക്ഷെ
'colour' ബ്രിട്ടീഷ് ഇംഗ്ലിഷും 'color'‍ അമേരിക്കന്‍ ഇംഗ്ലിഷുമല്ലേ. അതു
കൊണ്ടു തന്നെ ഒരു സ്പെല്‍ ചെക്കര്‍ ഉപയോഗിക്കുമ്പോള്‍ അതിനനുസരിച്ച്
ഇതില്‍ ഒരെണ്ണെം തെറ്റായി കാണിക്കുകയും ചെയ്യും. ml_IN പോലെ ഒരു ml_US
ലൊക്കാലിന് സ്കോപ്പുണ്ടോ? മലയാളം, പുതിയ ലിപി മലയാളം, ടൈപ്‌റൈറ്റര്‍
മലയാളം കൂടാതെ അമേരിക്കന്‍ മലയാളവും.
അതിന്റെ ആവശ്യമുണ്ടെന്നു തോന്നുന്നില്ല. സ്പെല്‍ ചെക്കറില്‍ കൂടുതല്‍ വാക്കുകള്‍ ചേര്‍ത്താല്‍ മതി.
ഇപ്രകാരം
അനേകം കേസുകള്‍ ഉണ്ടാകുമ്പോള്‍ അതൊരു അനാവശ്യ വ്യായാമമായി മാറില്ലേ.
കൂടാതെ ഇവയുടെ ഒക്കെ ബഹുവചനരൂപങ്ങള്‍ പോലുള്ള derived forms
കൂടിയാകുമ്പോള്‍ ആലോചിക്കാനേ വയ്യ. അതും കുറെ 'കര്‍ട്ടണ്‍ വാക്കുകള്‍ക്കു'
('വന്യവനി....', ഇവ കേട്ടു കേട്ടു മടുത്തു) വേണ്ടി.
വേണ്ടി
വരും. അല്ലെങ്കില്‍ തന്നെ മലയാളം സ്പെല്‍ചെക്കറൊക്കെ ആരെങ്കിലും
ഉപയോഗിക്കുമോ? ഇപ്പോള്‍ എല്ലാം ഇംഗ്ലിഷ് രീതിയിലേക്കു മാറുകയല്ലേ.
ഞങ്ങളുടെ കമ്പനി പേരിനൊരെണ്ണം ഇറക്കും. അത്രതന്നെ.
അതേയതേ ഇപ്പോള്‍ മലയാളം അക്ഷരം അറിയണമെന്നു തന്നെയില്ല, മലയാളത്തില്‍ ടൈപ്പുചെയ്യാന്‍. മുഴുവന്‍ അക്ഷരത്തെറ്റുകളും.
അത് ടൈപ്പിങ്ങ് നിയമങ്ങള്‍ ശരിക്ക് പഠിക്കാത്തതുകൊണ്ടാണ്. അടുത്ത തവണ നമുക്ക് ചില്ലിങ്ങ് ചില്ലുകളെപ്പറ്റി സംസാരിക്കാം. നിങ്ങള്‍ക്ക് നല്ല നമസ്കാരം.

6 comments:

Santhosh said...

ml-US ലൊകാലിന് വിന്‍ഡോസില്‍ സ്കോപ്പുണ്ട്. മൈക്രോസോഫ്റ്റിന്‍റെ ലൊകാല്‍ ബില്‍ഡര്‍ എന്ന യൂറ്റിലിറ്റി ഉപയോഗിച്ച് ml-US ഉണ്ടാക്കാം. (ഇത് അറിയാന്‍ വേണ്ടിയല്ല ഈ പോസ്റ്റിട്ടതെങ്കിലും സന്ദര്‍ഭവശാല്‍ ഇവിടെ പറയുന്നു.)

Melinda22 said...

Great and well written post. I really enjoyed read it. Thanks.best registry cleaner!adirondack chair plans

John said...

I am almost excited with all the information of your site.I really do enjoy this great website and your post was really amazing. Thanks for sharing all these important infos.how to get rid of cold sores fast how do you get cold sores

mukul said...

I have found your site via Google and I am really glad about the information you provide in your posts. Keep up the good work.yeast infection cures!yeast infection diet

John said...

내가 검색하는 것을 세부 사항을 찾을 수있었습니다. 당신이이 문서를 서면으로 작성해야 이니셔티브 주셔서 감사합니다. 나는뿐만 아니라 미래에의 유사한 최선의 노력을 기대입니다.snoring cures how to stop snoring

dresses sale said...

When an observer seems wedding dresses to bepurple mini homecoming dress throughout a marriage ceremony, he is not cheap cocktail dresses simply impressed bridesmaid dresses on sale while a line wedding dresses